Fenómenos de la naturaleza

1.-ECLIPSES DE SOL. Lo que se ve na semeya ye'l eclipse que "pudimos ver" güei na Penísula Ibérica. La verdá ye que ye abondo decepcionate, non? Dicen los periódicos, la tele y la radio que fai dos sieglos que nun se veía cosa tala...pues quedamos un poco como tábemos.Amás, yo alcuérdome que nel branu del 99 hubo otru eclipse de sol. Daquella taba en Potes y había munches coñes con que esa yera una señal más del apocalipsis que taba al llegar. Polo que dicen va haber otru eclipse anular nel 2026... nagüo por tar ellí pa poder decepcioname otra vuelta.

2.- ECLIPSES DE LLUNA. Cuando yera más guah.e, los eclipses de Lluna yeran una perbona escusa pa quedar espiertos hasta bien tarde, sobremanera cuando asocedíen pel branu. Alcuérdome de ún nel que quedé colos collacios y con mio güela pa velo hasta les tantes na cai. Subimos hasta la estación del tren pa fuxir de les lluces del pueblu y acercanos un puquiñín más a la lluna. Los eclipses de llunares son más espectaculares que los solares porque nun necesites gafes pa mirar. Aquella nueche, acabamos falando d'ovnis... Vienme a la cabeza un curtiumetraxe asturianu nel que una neña descubre quién son en verdá los Reis Magos. Como nun acaba de creyer que nun esista la maxa d'oriente, pídeyos de regalo la Lluna como preba de la so esistencia. Casualmente, la nueche de reis hai un eclipse, colo que la protagonista acaba idiendo-yos disculpes y diciendo que nun quier el satélite. Diz - Gracies pola Lluna, pero nun diba terner onde guardala-.

3. LLÁRIMES DE SAN LLORIENZU. Les estrelles qu'apaecen y desapaecen (perdonái que los conocimientos nun me den pa escribir "fugaces") son un acontecimientu únicu. Sigo sin entender porqué hai una lluvia d'estrelles cada 10 d'agostu. Esti últimu San Llorienzu vi cayer estrelles dende Llión con unos collacios que han d'entender que toos tamos de paso hasta nos sitios onde parecemos imprescindibles. O eso, o dicir que lu entienden y asumir les consecuencies como tuvimos que facer los demás y dexar a un llau les nueches de branu y estrelles.

4.- ÑEVE. Odio la puta ñeve. Cuando vivía averáu al mar yera un acontecimientu, pero agora...venceyo ñeve a caos. La ñeve ye frío y fai que t'esmuzas en cualquier llau y rompas la cabeza.

5.- VIENTOS FUERTES. El vientu llevó munchos de los recuerdos de la infancia. Por exemplu, dos sauces llorones que había nel barriu y que nunca más volvieron.

6.- TORMENTES. Pa falar de tormentes curioses tengo que falar otra vuelta de Castiella. Tormentes llétriques que aturullaben y facíen apaecer rises nervioses como cellebrando tar ellí demientres pensabes perdientru querer tar en cualquier otru llau. Tormentes que rebotaben nes montañes y dexaben el xestu con forma de piedra. Tormentes que llimpien l'aire y dexen un fondu fedor a océanu o a nada.

7.- L'AIRE LES CASTAÑES. Que nos vuelve llocos. Por suerte.